ដីរដ្ឋ ៤ទីតាំង នៅខេត្តបន្ទាយមានជ័យ ត្រូវបានដោះដូរ ដោយវាយតម្លៃដីរបស់រដ្ឋខុសពីជាក់ស្តែង និងបានបំប៉ោងតម្លៃដីរបស់ក្រុមហ៊ុន ដើម្បីភូតកុហក់ប្រមុខរាជរដ្ឋាភិបាល (ផ្សាយវគ្គ២)មានវីដេអូ)

 ខេត្តបន្ទាយមានជ័យ ៖ ទីតាំងដីរដ្ឋ ៤កន្លែង ត្រូវបានដោះដូរ ដោយវាយតម្លៃដីរបស់រដ្ឋខុសពីជាក់ស្តែង និងបានបំប៉ោងតម្លៃដីរបស់ក្រុមហ៊ុន ដើម្បីភូតកុហក់ប្រមុខរាជរដ្ឋាភិបាល ។

មានការបែកធ្លាយកំណត់ហេតុកិច្ចប្រជុំស្តីពី ការចុះពិនិត្យសិក្សា និងវាយតម្លៃការដោះដូរទីតាំងដីចំនួន៤កន្លែងរបស់រដ្ឋបាលខេត្តបន្ទាយមានជ័យ នាថ្ងៃទី២៣ ខែមិថុនា ឆ្នាំ២០២៣ ដោយមិនមានការចូលរួមពីអង្គភាពពន្ធដារខេត្ត ដែលជាអ្នកបំពេញកាតព្វកិច្ចប្រមូលពន្ធនិងបានអនុវត្តតាមឧបសម្ព័ន្ធទី៧ ស្តីពី ការបែងចែកភូមិសាស្ត្រ និងតម្លៃអចលនទ្រព្យសម្រាប់មូលដ្ឋានគិតពន្ធប្រថាប់ត្រា នៅខេត្តបន្ទាយមានជ័យ ដែលភ្ជាប់ជាមួយប្រកាសលេខ៣៤៣ សហវ.ប្រក ចុះថ្ងៃទី២២ ខែមីនា ឆ្នាំ២០១៩ របស់ក្រសួងសេដ្ឋកិច្ច និងហិរញ្ញវត្ថុ ។

​ប្រសាសន៍ ​សម្ដេចតេជោ​ ហ៊ុន​ សែន​ ​ហាម​ដោះដូរ​ចំណតរថយន្ត​ ក្រុង​សេរី​សោភ័ណ​

ខេត្ត​បន្ទាយមានជ័យ​ និង​ ចំណតរថយន្ត​តាម​បណ្ដា​ខេត្ត​នានា​ ។

(​ ប្រសាសន៍​សម្ដេច​តេជោ​ ហ៊ុន​ សែន​ ថ្ងៃ​ ២៧​ កុម្ភៈ​ ២០១៧​ )

តាមកំណត់ហេតុនៃកិច្ចប្រជុំរដ្ឋបាលខេត្តបានទទួលយកនូវកាកំណត់តម្លៃដីរដ្ឋ៤ទីតាំង និងដីក្រុមហ៊ុន១ទីតាំងដូចខាងក្រោម៖

-ទីតាំងទី១ ( ដីសួនកុមារ ) ទំហំ ៨ ០៨៧ ម៉ែត្រការ៉េ × ៤០០$/ការ៉េ = ៣ ២៣៤ ៨០០$ -ទីតាំងទី២ ( ដីបេនឡានតូច ឬបេនចាស់ ) ទំហំ ៦ ១៧២ ម៉ែត្រការ៉េ × ៣០០$/ការ៉េ = ១ ៨៥១ ៦០០$ -ទីតាំងទី៣ ( បេនឡានធំឬបេនថ្មីខាងមាត់ស្ទឹង ) ៣ ៩៨៣ ម៉ែត្រការ៉េ × ២៥០$/ការ៉េ = ៩៩៥ ៧៥០$ -ទីតាំងទី៤ ( ដីកាត់ចេញពីប្លង់ផ្សារប៉ោយប៉ែតថ្មី ) ១ ៣៤៤ ម៉ែត្រការ៉េ × ២៥០$/ការ៉េ = ៣៣៦ ០០០$ -ដីរដ្ឋ៤ទីតាំងខាងលើមានតម្លៃសរុប ៦ ៤១៨ ១៥០$ -ដីក្រុមហ៊ុន១ទីតាំង នៅភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ទំហំ ៥០ ០០០ ម៉ែត្រការ៉េ × ១៣០$/ការ៉េ = ៦ ៥០០ ០០០$ បើតាមមូលដ្ឋានគិតពន្ធប្រថាប់ត្រាវិញ តម្លៃដីរដ្ឋ៤ទីតាំង និងដីក្រុមហ៊ុន១ទីតាំងដូចខាងក្រោម -ទីតាំងទី១ ( ដីសួនកុមារ ) ទំហំ ៨ ០៨៧ ម៉ែត្រការ៉េ × ១ ០០០$/ការ៉េ = ៨ ០៨៧ ០០០ $ -ទីតាំងទី២ ( ដីបេនឡានតូច ឬបេនចាស់ ) ទំហំ ៦ ១៧២ ម៉ែត្រការ៉េ × ១ ០០០$/ការ៉េ = ៦ ១៧២ ០០០$ -ទីតាំងទី៣ ( បេនឡានធំឬបេនថ្មីខាងមាត់ស្ទឹង ) ៣ ៩៨៣ ម៉ែត្រការ៉េ × ២៥០$/ការ៉េ = ៩៩៥ ៧៥០$ -ទីតាំងទី៤ ( ដីកាត់ចេញពីប្លង់ផ្សារប៉ោយប៉ែតថ្មី ) ១ ៣៤៤ ម៉ែត្រការ៉េ × ២៥០$/ការ៉េ = ១ ៧៤៧ ២០០$ ដីរដ្ឋ៤ទីតាំងខាងលើមានតម្លៃសរុប ១៧ ០០១ ៩៥០$ -ដីក្រុមហ៊ុន១ទីតាំង នៅភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ទំហំ ៥០ ០០០ ម៉ែត្រការ៉េ × ១០០$/ការ៉េ = ៥ ០០០ ០០០$ ( ប្រសិនបើជាប់ផ្លូវជាតិលេខ៥ ) ឬ ២ ៥០០ ០០០$ ( ប្រសិនមិនជាប់ផ្លូវជាតិលេខ៥ )

អាជីវករ និងអ្នករត់តាក់សុី នៅចំណតរថយន្តក្រុងសិរីសោភ័ណជាង ២០០នាក់

ផ្តិតមេដៃឲ្យថ្នាក់លើជួយអន្តរាគមន៍

យើងឃើញថាតម្លៃដីរដ្ឋ៤ទីតាំងដែលគិតតាមមូលដ្ឋានគិតពន្ធប្រថាប់ត្រាមានតម្លៃសរុបរហូតដល់ ១៧០០១៩៥០$ មិនមែនតម្លៃសរុប ៦៤១៨១៥០$ ដែលបានកំណត់នោះទេ នេះជាករណីឃុបឃិតគ្នាកេងប្រវ័ញ្ចញទ្រព្យសម្បត្តិរដ្ឋយ៉ាងពិតប្រាកដ សាធរណៈជន សូមសំណូមពរ ដល់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងសម្តេចមហាបវរធិបតី ហ៊ិន ម៉ាណែត នាយករដ្ឋមន្ត្រី មេត្តាមានវិធានការច្បាប់ចំពោះមន្ត្រីកេងប្រវ័ញ្ញទ្រព្យសម្បត្តិរដ្ឋផង ស្របតាមអភិក្រមទាំង៥របស់រាជរដ្ឋាភិបាល ។ អង្គភាពអ្នកសារព័ត៌មានយើង គ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនា យោងតាមឯកសារដែលជាមូលដ្ឋានគ្រឹះក្នុងការផ្សព្វផ្សាយព័ត៌មាន នឹងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ។