សោកនាដកម្ម! លិចនាវាដឹកជនអន្តោប្រវេសន៍ជិតអ៊ីតាលី ស្លាប់ជិត៦០នាក់
ប្រទេសអ៊ីតាលី ៖ កងឆ្មាំឆ្នេរសមុទ្រអ៊ីតាលីគូសបញ្ជាក់កាលពីថ្ងៃទី២៦ កុម្ភៈថា ជនអន្តោប្រវេសន៍យ៉ាងតិច៥៩នាក់ ក្នុងនោះមានកូនង៉ែតទើបកើតបានប៉ុន្មានខែម្នាក់ បានស្លា.ប់ នាព្រឹកថ្ងៃនោះដោយសារការលិចនាវាដែលពួកគេជិះ ត្រង់កន្លែងមួយស្ថិតនៅជិតទីក្រុងអ៊ីតាលីCROTONE តំបន់CALABRE ភាគខាងត្បូងប្រទេស។
ប្រមុខរដ្ឋាភិបាលអ៊ីតាលី លោកស្រី GIORGIA MELONI ក្នុងសេចក្ដីប្រកាសមួយបានសម្ដែងការក្ដុកក្ដួលចំពោះសោកនាដកម្មនេះ ដែលឧក្រិដ្ឋជនបញ្ជូនមនុស្សដល់ប្រមាណជា២០០នាក់ ឲ្យផ្សងព្រេងកាត់សមុទ្រតាមនាវាមួយមានប្រវែងត្រឹម២០ម៉ែត្រ ពេលអាកាសធាតុអាក្រក់។ លោកស្រីអះអាងថារដ្ឋាភិបាលលោកស្រីសន្យាចាត់បណ្ដាវិធានការ រារាំងការចាកចេញដំណើររបស់ពួកអន្តោប្រវេសន៍ ហើយជាមួយសោកនាដកម្មនេះទាមទារឲ្យមានកិច្ចសហការកាន់តែខ្លាំងឡើងរបស់បណ្ដាប្រទេស ដើម្បីរាំងខ្ទប់ការចាកចេញនិងប្រភពនៃការបញ្ជូនពួកអន្តោប្រវេសន៍៕
Post a Comment