អង្គរសង្រ្កាន្តឆ្នាំ២០២៣ គ្រោងបំបែកកំណត់ត្រាពិភពលោកចំនួន២ ដែលត្រូវការអ្នកចូលរួមលើសពីកំណត់ត្រាចាស់
ភ្នំពេញ៖ អង្គរសង្រ្កាន្តឆ្នាំ ២០២៣ នឹងរៀបចំជាថ្មី ក្រោយខកខានជាច្រើនឆ្នាំកន្លងទៅនេះ។ ការវិលត្រឡប់ជាថ្មី ជាគម្រប់ខួប១០ឆ្នាំ នៃព្រឹត្តិការណ៍អង្គរសង្រ្កាន្ត។ ព្រឹត្តិការណ៍អង្គរសង្រ្កាន្តឆ្នាំ ២០២៣នេះ ក៏នឹងមានការគ្រោងបំបែកកំណត់ត្រាពិភពលោកចំនួនពីរ ដែលត្រូវការអ្នកចូលរួមច្រើនលើសលប់ លើសពីចំនួនអ្នកចូលរួមបំបែកកំណត់ត្រាពិភពលោករាំម៉ាឌីហ្សុនកាលពីឆ្នាំ២០១៥ និងកំណត់ត្រានំអន្សមយក្សទៅទៀត។ នេះជាការបញ្ជាក់របស់ អនុប្រធានសហភាពសហព័ន្ធយុវជនកម្ពុជា។
front សកម្មភាពក្នុងព្រឹត្តិការណ៍អង្គរសង្រា្កន្តឆ្នាំ២០២១ (រូបភាពពីទំព័រហ្វេសប៊ុក ព្រឹត្តិការណ៍អង្គរសង្រា្កន្ត)
សហភាពសហព័ន្ធយុវជនកម្ពុជា នឹងរៀបចំព្រឹត្តិការណ៍អង្គរសង្រ្កាន្តជាថ្មីនៅថ្ងៃទី១៣- ១៤- ១៥ ខែមេសា ឆ្នាំ២០២៣ខាងមុខ។ អង្គរសង្រា្កនឆ្នាំ ២០២៣ ជាគម្រប់ខួប ១០ ឆ្នាំរបស់ខ្លួន ក្រោយខកខានរៀបចំតាំងពីឆ្នាំ២០១៩ មកម្ល៉េះ។ ការវិលត្រឡប់ជាថ្មី នៃព្រឹត្តិការណ៍អង្គរសង្រ្កាន្ត នឹងក្លាយជាព្រឹត្តិការណ៍ជួបជុំដ៏ធំរបស់មហាគ្រួសារខ្មែរ ហើយក៏ជាព្រឹត្តិការណ៍ផ្សព្វផ្សាយពីភាពអស្ចារ្យនៃវប្បធម៌ អរិយធម៌ខ្មែរ ដែលនឹងធ្វើឡើងក្រោមប្រធានបទ "ក្ដីស្រម៉ៃ និងក្ដីសង្ឃឹម"។
អង្គរសង្រ្កាន្តឆ្នាំ ២០២៣ នឹងមានការប្រមូលផ្ដុំកម្មវិធី ព្រឹត្តិការណ៍ និងតួអង្គនិមិត្តរូបសំខាន់ៗ (តាមឆ្នាំនីមួយៗនៃអង្គរសង្រ្កាន្ត) ក៏ដូចជាវត្ថុពិសេសៗ (វត្ថុយក្ស) មកជួបជុំគ្នា ដែលឆ្លុះបញ្ចាំងតាមរយៈកម្មវិធីចំនួន៤៤កម្មវិធី នៅតាមទីតាំង ឬតំបន់ចំនួន ៦ផ្សេងគ្នា និងមានកំណើនយុវជនស្ម័គ្រចិត្តជាច្រើនចូលរួម។
Post a Comment