កម្មការីនីម្នាក់ ត្រូវសង្សារស.ម្លា.ប់នៅខាងមុខរោងចក្រ ក្នុងតំបន់សេដ្ឋកិច្ចពិសេសចេជាង ក្នុងស្រុកព្រៃនប់ ខេត្តព្រះសីហនុ
Read News TV ៖ ស្ត្រីម្នាក់ ជាកម្មការីនី ត្រូវបានឃាតកសម្លាប់នៅច្រកទ្វារផ្លូវចូលរោងចក្រ បេវឈីវើ ក្នុងតំបន់សេដ្ឋកិច្ចពិសេស ចេជាង ក្នុងឃុំជើងគោ ស្រុកព្រៃនប់ ខេត្តព្រះសីហនុ នៅវេលាម៉ោងជិត ១០យប់ ថ្ងៃ១ ខែមិនា ឆ្នាំ២០២៣ ក្រោយពេលជនរងគ្រោះចេញពីធ្វើការថែមម៉ោង។
យោងតាមរបាយការណ៍របស់សមត្ថកិច្ចនៅកន្លែងកេីតហេតុ បានបញ្ជាក់ថា ជនសង្ស័យគឺ ជាសង្សាររបស់ជនរងគ្រោះជាអ្នកចាក់សម្លាប់។ ជនសង្ស័យត្រូវបានគេស្គាល់ឈ្មោះ ឡូត ម៉ុក ភេទប្រុស អាយុ៣១ឆ្នាំ ជាកម្មកររោងចក្រ រស់នៅឃុំពង្រលើ ស្រុកជីក្រែង ខេត្តសៀមរាប។ បច្ចុប្បន្នស្នាក់នៅបន្ទប់ជួល ភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ បានធ្វើសកម្មភាពប្រើកាំបិតចុងស្រួច ចាក់ទៅលើជនរងគ្រោះឈ្មោះ សៀក ស៊ាវឡី ភេទស្រី អាយុ២២ឆ្នាំ ជាកម្មការនីរោងចក្រ ស្រុកកំណើត ឃុំគោករមៀត ស្រុកថ្មពួក ខេត្តបន្ទាយមានជ័យ។ បច្ចុប្បន្នស្នាក់នៅបន្ទប់ជួលក្នុង ភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ ត្រូវត្រង់ ក្រោមក្លៀកខាងឆ្វេងចំនួន ១កាំបិត បណ្តាលឲ្យស្លាប់នៅនឹងកន្លែង។
ក្រោយកើតហេតុបុរសជនដៃដល់បានរត់គេចខ្លួន ប៉ុន្តែត្រូវបានសមត្ថកិច្ចកំណត់បានមុខសញ្ញាបានហេីយ និងកំពុងតាមចាប់ខ្លួន៕
រាយការណ៍ដោយ៖ ណារ៉ា
Post a Comment