សម្រស់ប្រាសាទអង្គរវត្ត ក្នុង ព្រឹត្តិការណ៏សមរាត្រីនៅអង្គរ ( Equinox at Angkor Wat ) និង ពិធីព្រះរាជពិធីប្រោសព្រះរាជទានព្រះអគ្គីជ័យកីឡា

សម្រស់ប្រាសាទអង្គរវត្តនាពេលរាត្រី អ្នកទេសចរដែលមកកាន់ខេត្តសៀមរាប នឹងកាន់តែស្គាល់ ជាពិសេសសម្រាប់អ្នកដែលចង់ទទួលបាននូវភាពស្រស់ស្រាយខាងផ្នែកផ្លូវកាយ និងខាងផ្លូវចិត្ត តាមរយៈការផ្សារភ្ជាប់ខ្លួនជាមួយនឹងប្រាង្គប្រាសាទ នៅលើទឹកដីវប្បធម៌ប្រវត្តិសាស្ត្រនៃតំបន់អង្គរដ៏ស័ក្តិសិទ្ធិ។ សូមជម្រាបថា ខេត្តសៀមរាប នឹងធ្វើជាម្ចាស់ផ្ទះរៀបចំពិធីព្រះរាជពិធីប្រោសព្រះរាជទានព្រះអគ្គីជ័យកីឡា សម្រាប់ព្រឹត្តិការណ៏ការប្រកួតកីឡាអាស៊ីអាគ្នេយ៍លើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣ ក្រោមព្រះរាជាធិបតីភាព ដ៏ខ្ពង់ខ្ពស់បំផុត របស់ព្រះករុណាព្រះបាទសម្ដេចព្រះបរមនាថ នរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុតដែលប្រព្រឹត្តទៅនៅថ្ងៃទី២១ ខែមិនា ឆ្នាំ២០២៣ ស្អែកនេះ។