ខ្មាន់កាំភ្លើ.ងម្នាក់បា.ញ់ជាច្រើនគ្រាប់ ចំណុចក្បែរជ្រោះបាត់ស្នេហ៍
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ខ្មាន់កាំភ្លើ.ងដៃឆៅម្នាក់ជិះម៉ូតូមួយគ្រឿង រួចដកកាំភ្លើ.ងខ្លីបា.ញ់បោះយ៉ាងអនាធិបតេយ្យ បន្ទាប់មកក៏ជិះម៉ូតូបន្តដំណើរចេញទៅបាត់ ដោយបន្សល់ទុកសំបកគ្រាប់ជាង១០គ្រាប់ឲ្យសមត្ថកិច្ចរើសយកទៅទុក បង្កឲ្យមានការភ្ញាក់ផ្អើលកាលពីវេលាម៉ោង១១និង៤០នាទីយប់ ថ្ងៃទី៣០ ខែមេសា ឆ្នាំ២០២៣ នៅត្រង់ចំណុចក្បែរជ្រោះបាត់ស្នេហ៍ តាមបណ្ដោយផ្លូវបេតុង ស្ថិតក្នុងភូមិទួលថ្ងាន់ សង្កាត់ទួលសង្កែទី១ ខណ្ឌឬស្សីកែវ។
តាមប្រភពព័ត៌មានបានឲ្យដឹងថា នៅមុនពេលកើតហេតុ គេឃើញបុរសម្នាក់មិនស្គាល់អត្តសញ្ញាណ ជិះម៉ូតូមួយគ្រឿងម៉ាកហុងដាឃ្លីក ពណ៌ស មិនចាំស្លាកលេខ តាមបណ្ដោយផ្លូវបេតុង ក្នុងទិសដៅពីលិចទៅកើត។
លុះមកដល់ចំណុចកើតហេតុ បុរសរូបនោះក៏ដកកាំភ្លើ.ងខ្លីមួយដើមពីចង្កេះ រួចក៏បា.ញ់ឡើងទៅលើមេឃចំនួន២គ្រាប់ ហើយក៏ជិះម៉ូតូទៅមុខបណ្តើរបា.ញ់ផ្ទប់ដីបណ្តើរអស់ជាច្រើនគ្រាប់បន្ថែមទៀត ទើបបន្តដំណើរជិះចេញទៅបាត់ស្រមោលយ៉ាងរំភើយ ដោយមិនខ្លាចញញើតអ្វីទាំងអស់ បង្កឲ្យមានការភ្ញាក់ផ្អើលដល់ប្រជាពលរដ្ឋមួយភូមិចេញមកមើល និងរាយការណ៍ជូនសមត្ថកិច្ចតែម្តង។
បន្ទាប់មកសមត្ថកិច្ច ក៏ចុះមកដល់កន្លែងកើតហេតុ និងប្រមូលសំបកគ្រាប់ដែលបន្សល់ទុកពីខ្មាន់កាំភ្លើ.ងបានចំនួន១២គ្រាប់។
ក្រោយពេលកើតហេតុ សមត្ថកិច្ចមូលដ្ឋាន ក៏បានប្រមូលវត្ថុតាងដែលបន្សល់ទុកពីខ្មាន់កាំភ្លើ.ងរូបនោះយកទៅរក្សាទុក ដើម្បីរង់ចាំធ្វើការស្រាវជ្រាវតាមចាប់ជនសង្ស័យយកមកផ្តន្ទាទោសទៅតាមផ្លូវច្បាប់នៅពេលក្រោយជាបន្តទៀត៕
Post a Comment