មុខសញ្ញាគ.ប់កញ្ចក់ឡានដឹកកម្មករ-កម្មការិនីដ៏សកម្មម្នាក់ត្រូវចាប់ខ្លួនបាន នៅស្រុកសំរោងទង
ខេត្តកំពង់ស្ពឺ ៖ ជនសង្ស័យម្នាក់បានធ្វើសកម្មភាពយកដុំថ្មគប់កញ្ចក់រថយន្តអ្នកដំណើរដែលបានដឹកកម្មករ-កម្មការិនី បណ្តាលអោយបែកកញ្ចក់ផ្នែកខាងមុខ ដែលហេតុការណ៍បានកើតឡើងកាលពីវេលាម៉ោង ១៩និង៣៥នាទីយប់ ថ្ងៃទី០២ ខែឧសភា ឆ្នាំ២០២៣ នៅតាមផ្លូវក្នុងភូមិកំពង់ល្វា ឃុំទំព័រមាស ស្រុកសំរោងទង ខេត្តកំពង់ស្ពឺ ។
នេះបើតាមស្នងការដ្ឋាននគរបាលខេត្តកំពង់ស្ពឺបានបញ្ជាក់ថា រថយន្ដបែកកញ្ចក់ជាកម្មសិទ្ធរបស់ឈ្មោះ ជា សិទ្ធ ភេទប្រុស អាយុ២១ឆ្នាំ នៅភូមិកំពង់ល្វា ឃុំទំព័រមាស ស្រុកសំរោងទង ខេត្តកំពង់ស្ពឺ មុខរបបើករថយន្តដឹកកម្មករ ម៉ាកហ៊ីយិនដាយ កូរ៉េពណ៌ស ពាក់ស្លាកលេខ កំពង់ស្ពឺ 2A-8710 ។
ស្នងការដ្ឋាននគរបាលខេត្តកំពង់ស្ពឺ បានបន្តថា ដោយបានការយកចិត្ដទុកដាក់ និងចង្អុលការណែនាំដ៏ខ្ពង់ខ្ពស់ពី លោកឧត្ដមសេនីយ៍ទោ សម សាមួន ស្នងការនគរបាលខេត្ដ នាព្រឹកថៃ្ង០២ ខែឧសភា ឆ្នាំ២០២៣ លោកវរសេនីយ៍ឯក ឃុត សុផល អធិការ នគរបាលស្រុកសំរោងទង បានស្រាវជ្រាវ និងឃាត់ជនសង្ស័យម្នាក់មានឈ្មោះ ហ៊ុន ហាន ហៅឡុញ ភេទប្រុស អាយុ២១ឆ្នាំ រស់នៅភូមិទឹកស្អុយ ឃុំទំព័រមាស ស្រុកសំរោងទង ខេត្តកំពង់ស្ពឺ ។
ចំពោះវុត្ថុតាងចាប់បាន មានដុំថ្មមួយដុំ ។ បច្ចុប្បន្នសមត្ថកិច្ចបាននាំជនសង្ស័យមកអធិការដ្ឋាននគរបាលស្រុកសំរោងទងដើម្បីសាកសួរ និងចំណាត់ការតាមនីតិវិធីបន្ដ៕
Post a Comment