បង្ហាញមុខជនសង្ស័យ៥នាក់ លួចស្លាកលេខឡាន,ទទួលផលចោរកម្ម និងក្លែងបន្លំឯកសារសាធារណៈ
ជនសង្ស័យ ចំនួន៥នាក់រួមទាំងវត្ថុតាងនិងឯកសាក្លែងក្លាយជាច្រើន ត្រូវបាននគរបាលព្រហ្មទណ្ឌ កំរិតស្រាលនៃស្នងការនគរបាលរាជធានីភ្នំពេញបង្ហាញមុខ ជាសាធារណះកាលពីព្រឹកថ្ងៃទី២៦ខែ តុលា ឆ្នាំ២០២២នេះ ពាក់ព័ន្ធបទល្មើសលួចស្លាកលេខរថយន្តនិងក្លែងបន្លំឯកសារសាធារណះ។
ជនសង្ស័យទាំង៥រូបខាងលើនោះត្រូវបាននគរបាលអោយដឹងថា ១-ឈ្មោះពៅ សំអឿនភេទប្រុស អាយុ ៣១ឆ្នាំ មុខរបរ ទិញលក់រថយន្ត ស្នាក់នៅផ្ទះជួល ផ្លូវបេតុង ភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិសែនជ័យ រាជធានីភ្នំពេញ, ២-ឈ្មោះ ភ័ណ្ឌ ផល្លា ភេទប្រុស អាយុ ២៣ ឆ្នាំ មុខរបរជាងមេការនិច ស្នាក់នៅផ្ទះគ្មានលេខ ផ្លូវលំ ភូមិ៨ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង,៣-ឈ្មោះ ឡុង ស៊ុនសាវ៉េត ហៅ វណ្ណ ភេទ ប្រុស អាយុ៣២ឆ្នាំ មុខរបរ នៅផ្ទះ ស្នាក់នៅផ្ទះលេខ៤៨ ផ្លូវលេខ០២អា សង្កាត់ព្រែកកំពឹស ខណ្ឌដង្កោ រាជធានីភ្នំពេញ, ៤-ឈ្មោះ សឿង រ៉ាវី ហៅ ពេជ្រ ភេទ ប្រុស អាយុ ៣១ឆ្នាំ មុខរបរ រកស៊ី ស្នាក់នៅផ្ទះគ្មានលេខ ផ្លូវលំ ភូមិព្រែកអញ្ចាញ សង្កាត់ព្រែកឬស្សី ក្រុងតាខ្មៅ ខេត្តកណ្តាល និង៥-ឈ្មោះ ឡុង ស៊ុនសត្យា ហៅ យូវ ភេទប្រុស អាយុ២៨ឆ្នាំ ស្នាក់នៅផ្ទះលេខ៤៨ ផ្លូវលេខ០២៣ សង្កាត់ព្រែកកំពឹស ខណ្ឌដង្កោ រាជធានីភ្នំពេញ។
តាមនគរបាលអោយដឹងថា ក្នុងប្រតិបត្តិការនេះកម្លាំងសម្ថកិច្ចបានដកហូតវត្ថុតាងរួមមាន៖ស្លាកលេខរថយន្តរបស់ជនរងគ្រោះដែលបាត់ ចំនួន២បន្ទះ( ភ្នំពេញ 2BL-0980 ) រថយន្តម៉ាក ព្រូស ចំនួន០២គ្រឿង, វិញ្ញាណបនបត្រត្រួតពិនិត្យលក្ខណៈបច្ចេកទេសមានយន្តរបស់អគ្គនាយកដ្ឋានដឹកជញ្ជូនផ្លូវគោក,លត្រាបត្រត្រួតពិនិត្យលក្ខណៈបច្ចេកទេសយានយន្តរបស់ក្រសួងសាធារណះការនិងដឹកជញ្ជូន(ឆៀករថយន្ត)មួយចំនួន,លត្រាបត្ររថយន្តទេសចរណ៍(មីញែត) មួយចំនួន ,ប័ណ្ណសម្គាល់រថយន្តនិងប័ណ្ណបើកបររថយន្ត មួយចំនួន,លតាបត្របង់ពន្ធមធ្យោបាយដឹកជញ្ជូនរបស់គេនាយកដ្ឋានពន្ធដារ(ពន្ធផ្លូវសម្រាប់រថយន្ត) ,ម៉ាស៊ីនព្រីន ម៉ាស៊ីនហ្វូតូ កុំព្យូទ័រ.ព្រមទាំងសម្ភារះនិងឯកសារក្លែងក្លាយមួយចំនួនទៀត ដែលសមត្ថកិច្ចយកមកបង្ហាញជាសាធារណះនោះពេលនេះ ។
បច្ចុប្បន្ន ជនសង្ស័យត្រូវបានសមត្ថកិច្ចបញ្ជូន ទៅកាន់សាលាដំបូងរាជធានីភ្នំពេញដើម្បីចាត់ការតាមច្បាប់៕
Post a Comment