ឧបករណ៍នេសាទរខុសច្បាប់ កំពុងដាក់រាយប៉ាយ ពាសពេញផ្ទៃទឹក ខេត្តកំពង់ឆ្នាំង កណៈដែល ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំងថា៖ ជាលទ្ធផលគឺបទល្មើសក្នុងភូមិសាស្ត្រខេត្តកំពង់ឆ្នាំងនៅតិចតួចបំផុត
កំពង់ឆ្នាំង៖ ឧបករណ៍នេសាទរខុសច្បាប់មួយចំនួន ដូចជា របាំង សម្រាស់ និងឈឹប ត្រូវបានប្រជាពលរដ្ឋ នៅក្នុងមូលដ្ឋានរាយការណ៍ថាបាននិងកំពុងបង្ហាញវត្តមាន យ៉ាងព្រោងព្រាត នៅតាមបណ្តាលស្រុក របស់ទឹកដីខេត្តកំពង់ឆ្នាំងប៉ុន្តែសកម្មភាពចុះទប់ស្កាត់ និងបង្ក្រាបរបស់មន្រ្តីរដ្ឋបាល ជលផល ព្រមទាំងអាជ្ញាធរសមត្ថកិច្ច ពាក់ព័ន្ធហាក់បីដូចជាវែកចកយ៉ាងដូច្នេះ។
ប្រភេទឧបករណ៍នេសាទខុសច្បាប់ទាំងនេះត្រូវបានជនល្មើសយកទៅដាក់រាយប៉ាយ ពេញលើផ្ទៃទឹក ប្រជាពលរដ្ឋបានលើកឡើងថា បើសិន សកម្មភាពបទល្មើសនេសាទទាំងនេះនៅបន្តកើតមាននោះ ធនធានមច្ឆានឹងរលាយហិចហោចតែម្តងជាពិសេស សម្រាប់ឧបករណ៍ ទាំងឡាយណា ដែលអាចបំផ្លាញទាំងត្រីតូចនិងត្រីធំ បទល្មើសនេសាទស្ដិតនៅតំបន់ដូចជា ក្បាលកោះមនោ កោះក្រមុំ ប្រឡាយតាពេជ្រ ព្រែកទាល់។
ប្រជាពលរដ្ឋម្នាក់សូមមិនបញ្ចេញឈ្មោះបានប្រាប់ បណ្តាញសារព័ត៌មានយើងថា «បងអើយ!បទល្មើសជលផល នៅសព្វថ្ងៃនេះមិនមានការថយចុះនោះទេហើយថែមទាំងមានការកើនឡើងលើសដើម ធ្វើឲ្យពួកយើងខកចិត្តយ៉ាងខ្លាំង និងអស់ជំនឿទុកចិត្តផងដែរទៅលើមន្រ្តីជំនាញ»។ ដោយឡែកប្រជាពលរដ្ឋរស់នៅក្នុងស្រុវិញ បាននិយាយថា នៅក្នុងឃុំស្រុករបស់គាត់ គ្រាន់តែទឹកទើបនឹងចូលរលៀបបាតបឹង បាតអូរសោះ ឃើញថា ឧបករណ៍នេសាទល្មើសច្បាប់ត្រូវបានគេ យកមកដាក់ពេញបឹង ព្រែកអូរ អស់ទៅហើយ ដែលឧបករណ៍ទាំងនេះមានដូចជា របាំងព្រួលកាច់ឡុករាប់រយម៉ែត្រ ដែលគេដាក់បណ្តាក់បន្តកន្ទុយគ្នារដឹកនៅពេលយប់ គឺក្រុមឆក់ចេញធ្វើសកម្មភាពព្រោងព្រាត ចំណែកជំនាញជលផលវិញមិនដែល ឃើញចុះបង្ក្រាបម្តងណាឡើយហាក់បីដូចជា ធ្វើព្ររងើយៗយកតែប្រយោជន៍ប៉ុណ្ណោះ។
ប្រជាពលរដ្ឋបានសម្តែងការអស់សង្ឃឹមនិងអស់ជំនឿទុកចិត្តយ៉ាងខ្លាំង នៅសកម្មភាព របស់ជលផល ដែលធ្វើម៉ាៗហៃអើទប់ជើងអង្គុយ ឲ្យតែនឹងខ្លួន ចំណែកសកម្មភាពទប់ស្កាត់បទល្មើសនេសាទមានតែទ្រឹស្តីការអនុវត្តគ្មានបើធ្វើដដែលបែបនេះ ក្តីខំទុកចិត្តរបស់ខេត្ត វាប្រែជាអសារបង់ជាក់ជាមិនខាន។ យ៉ាងណាក៏ដោយ បណ្តាញសារព័ត៌មានយើងមិនទាន់អាចសុំការ បំភ្លឺពីមន្រ្តីជំនាញបាននោះទេ។ រូបភាពមួយចំនួនដែលភ្នាក់ងារសារព័ត៌មានយើងចុះទៅផ្តិតយក ដោយផ្ទាល់នោះ នឹងបង្ហាញជាភស្តុតាង ឃើញថា បទល្មើសនេសាទមានមានការកើនឡើងពិតមែន។
តាមរយៈនៃការចុះពិនិត្យស្ថានភាពជាក់ស្តែង នៃបទល្មើសនេសាទតាមដងទន្លេនេះ បទល្មើសនេសាទមានការថយចុះច្រើនបើប្រៀបធៀបនឹងពេលកន្លងទៅហើយមានតិចតួចបំផុត។
ការដែលបទល្មើសនេសាទមានការថយចុះនេះ ដោយកន្លងមកនេះ អាជ្ញាធរមូលដ្ឋានក៏ដូចជាកម្លាំងចម្រុះតែងតែចុះទប់ស្កាត់បង្ក្រាបនិងធ្វើការផ្សព្វផ្សាយឱ្យប្រជាពលរដ្ឋចូលរួម លុបបំបាត់នូវរាល់បទល្មើសនេសាទនិងរួមគ្នាថែរក្សាធនធានជលផលរបស់យើងឡើងវិញ។ តាមរយៈនៃការថយចុះនៃបទល្មើសនេសាទនេះ ខេត្តកំពង់ឆ្នាំងចាប់ផ្តើមសំបូរត្រីឡើងវិញផងដែរ។
ឯកឧត្តមអភិបាលខេត្តកំពង់ឆ្នាំងបានអំពាវនាវដល់ប្រជានេសាទ ទាំងអស់ មេត្តាចូលរួមជាមួយអាជ្ញាធរ សមត្ថកិច្ចជំនាញ ក្នុងការទប់ស្កាត់បទល្មើសនេសាទនេះ ឲ្យបាននៅគ្រប់ទីកន្លែងដើម្ បីឱ្យធនធានជលផលនៅខេត្តកំពង់ឆ្នាំងយើងសំបូរឡើងវិញ។
នៅខែកុម្ភៈកន្លងមកនេះ ខណ្ឌរដ្ឋបាលជលផល ខេត្តកំពង់ឆ្នាំងបានបង្ក្រាបបទល្មើសនេសាទបាន ១៩ករណីដកហូត បានវត្ថុតាង របាំងសាច់អួនចំនួន ៧៦កន្លែងស្មើនឹង ២៧៥០ម៉ែត្រ,របាំងរាំងផ្ចិតព្រែកចំនួន ១០កន្លែងស្មើនឹង ១០០ម៉ែត្រ សម្រាស់ចំនួន២៩កន្លែងស្មើនឹង ៤១០០ម៉ែត្រ។ចាក់លែងត្រីចម្រុះចំនួន ៣៩៥គីឡូក្រាមបង្គោលចំនួន ១២,៤៣៥ដើម៕
Post a Comment