គ្រោះ រន្ទះបាញ់ ឪពុក រង-របួស កូនប្រុស បានស្លា.ប់ នៅនឹងកន្លែង កើតហេតុ កណៈ កំពុងជិះទូកនេសាទត្រីនៅសមុទ្រ ពេលមេឃមានភ្លៀង
ខេត្តព្រះសីហនុ ៖ បុរសម្នាក់ជាកូនបានស្លា.ប់នៅនឹងកន្លែង រីឯម្នាក់ទៀតជាឪពុកបានរងរបួសស្រាល ក្នុងហេតុការណ៍គ្រោះធម្មជាតិរន្ទះបាញ់ ខណៈដែលជនរងគ្រោះទាំង២នាក់កំពុងជិះទូកនេសាទត្រីនៅសមុទ្រ ពេលមេឃភ្លៀង ។
ហេតុការណ៍ខាងលើនេះបានកើតមានឡើងកាលពវេលាម៉ោង៦ព្រឹកថ្ងៃទី២៧ មេសា ឆ្នាំ២០២៣ នៅចំណុចមុខឃ្លោងកោះខ្យង ស្ថិតនៅភូមិកោះខ្យង ឃុំអូរជ្រៅ ស្រុកព្រៃនប់ ខេត្តព្រះសីហនុ ។
លោកវរៈសេនីយ៍ឯកអ៊ួង វុទ្ធីអធិការនគរបាលស្រុកព្រៃនប់ បានឲ្យដឹងថា ជនរងគ្រោះទាំង២នាក់ខាងលើ ក្នុងនោះម្នាក់ឈ្មោះ បេន ខាវ ភេទប្រុស អាយុ២១ឆ្នាំមុខរបរនេសាទ មានទីលំនៅភូមិកោះខ្យង ឃុំអូរជ្រៅ ស្រុកព្រៃនប់ ខេត្តព្រះសីហនុ (បានស្លា.ប់ធ្លាក់ចូលក្នុងទឹកសមុទ្រ) ត្រូវជាកូន និង ឈ្មោះផេន បេន ភេទប្រុស អាយុ៥៤ឆ្នាំ មុខរបរនេសាទ ត្រូវជាឪពុក រងរបួសស្រាល។
លោកអធិការបានបន្តថា តាមកាបំភ្លឺរបស់ជនរងគ្រោះជាឪពុកឈ្មោះ ផេន បេន បានអោយដឹងថា មុនពេលកើតហេតុ កាលពីវេលាម៉ោង៥ទៀបភ្លឺថ្ងៃកើតហេតុ ពួកគាត់ទាំង២នាក់ឪពុកកូនបានចេញទៅនេសាទដោយអូសកន្ទុយកណ្តុរនៅមុខឃ្លោងកោះខ្យង ពេលមេឃកំពុងភ្លៀង លុះអូសដល់ម៉ោង៦នាទីព្រឹក ស្រាប់តែមានរន្ទះបា.ញ់ បណ្តាលឱ្យកូនរបស់គាត់ និងគាត់ធ្លាក់ទឹក ប៉ុន្តែគាត់ដឹងខ្លួនក៏ឡើងទូកវិញ តែបាត់កូនមិនឃើញងើបពីទឹក គាត់ខំរកដែរតែពុំឃើញ ទើបរាយការណ៍មកភូមិឃុំអោយជួយរក ក៏ប្រទះឃើញស.ពកូននៅបង្គោលផូងផាងជិតច្រកឃ្លោង ព្រែកកោះខ្យងតែម្តង។ បច្ចុប្បន្ន ស.ពជនរងគ្រោះត្រូវបានប្រគល់ជូនឪពុកម្តាយយកទៅធ្វើបុណ្យតាមប្រពៃណី ៕
Post a Comment