ដឹងលទ្ធផលប្រឡងបាក់ឌុបរបស់ អ្នកម្ដាយវ័យ ៥៦ឆ្នាំនៅបន្ទាយមានជ័យហើយ
នៅក្នុងសម័យប្រឡងថ្ងៃទី ៥-៦ អ្នកស្រី ហែម ស៊ីណាត បានធ្វើឲ្យមានការចាប់អារម្មណ៍ខ្លាំងដោយសារតែអ្នកស្រី គឺជាបេក្ខជនវ័យចំណាស់ជាងគេដែលបានចូលប្រឡងបាក់ឌុបឆ្នាំសិក្សា ២០២២។ ក្រោយដំណឹងនេះ មានការរំពឹងទុកជាច្រើន អំពីលទ្ធផលរបស់ស្ត្រីចំណាស់ ឥឡូវលទ្ធផលនោះបានចេញមកហើយ។
តាមគណនី Lav Tola Serey Sophorn ដដែល ដែលជាអ្នកបើកបង្ហាញដំបូងគេពីបេក្ខជនវ័យ ៥៦ឆ្នាំ បានបញ្ចេញនៅថ្ងៃនេះទៀតអំពីអ្នកស្រី ហែម ស៊ីណាត។ រូបគេបានបង្ហោះសារថា៖ "បេក្ខជនប្រលងសញ្ញាបត្រមធ្យមសិក្សាទុតិយភូមិអាយុ៥៦ឆ្នាំដែលមានវ័យចំណាស់ជាងគេទូទាំងប្រទេស អ្នកម្ដាយ ហែម សុីណាត គាត់បានប្រលងធ្លាក់ហើយ លេខតុ494 នៅមណ្ឌលសកលវិទ្យាល័យជាតិមានជ័យ"។
អតីតអ្នកសង្កេតការបាក់ឌុប ២០២២ រូបនេះ បានបញ្ជាក់ថា រូបគេបានទូរស័ព្ទទៅប្រាប់អ្នកស្រី ហែម ស៊ីណាត អំពីរឿងនេះ ហើយចម្លើយដែលទទួលបានមកវិញ គឺ "មិនអីទេ..."។ "ខ្ញុំបានcallទៅអ្នកម្ដាយ ហើយប្រាប់ម្ដាយថាម៉ែបានប្រលងធ្លាក់ហើយ ម៉ែបាននិយាយថាមិនអីទេកូន ឆ្នាំក្រោយម៉ែដាក់ពាក្យប្រលងទៀត ដើម្បីបំពេញក្ដីស្រម៉ៃរបស់ម៉ែ"។
ស្ថានភាពបែបនេះ យុវជនយើងបានកោតសរសើរចំពោះអ្នកម្ដាយ ហែម ស៊ីណាត។ រូបគេសរសេរសារថា "សំរាប់មតិខ្ញុំផ្ទាល់ ខ្ញុំសូមកោដសរសើរចំពោះអ្នកម្ដាយដែលអ្នកម្ដាយធ្លាក់ហើយនៅតែញញឹមសើចឮសំលេងតាមទូរស័ព្ទបាន ម្ដាយប្រលងធ្លាក់ហើយនៅតែតាំងចិត្ដមិនរាថយ នៅក្នុងការតស៊ូ"៕
Post a Comment