អង្គការចំនួន៤០ស្នើឲ្យក្រសួងពាក់ព័ន្ធ មានចំណាត់ការលើ ឈ្មោះ ផែង វណ្ណៈ ពីការប្រមាថ មាក់ងាយ និងបៀតបៀនទៅលើស្ត្រីអ្នកសារព័ត៌មាន
ភ្នំពេញ៖ ក្រុមអង្គការសង្គមស៊ីវិលចំនួន៤០ស្ថាប័នរួមគ្នាស្នើទៅក្រសួងពាក់ព័ន្ធចំនួន៤ឲ្យមានចំណាត់ការលើលោក ផែង វណ្ណៈ ថាបានប្រមាថទៅលើស្ត្រីម្នាក់ជាអ្នកសារព័ត៌មាន ។ លិខិតចំហដែលចេញថ្ងៃទី១៤កុម្ភៈនោះ បានធ្វើ ឡើង ខណៈដែលលោក ផែង វណ្ណៈ អះអាងថាខ្លួននឹងមិនសុំទោសចំពោះអ្វីដែលលោក បានសរសេរនៅលើហ្វេសប៊ុកនោះឡើយ ដោយថានេះគ្រាន់តែជាឧទាហរណ៍។
នៅក្នុងសេចក្តីថ្លែងការណ៍រួមចុះថ្ងៃទី១៤កុម្ភៈ ក្រុមអង្គការផ្នែកសិទ្ធិស្ត្រី បានទទួចដល់ក្រសួងកិច្ចការនារី ក្រសួងវប្បធម៌ ក្រសួងព័ត៌មាន និងក្រសួងប្រៃសនីយ៍ បង្គាប់ឲ្យលោក ផែង វណ្ណៈ ត្រូវទទួលស្គាល់កំហុស និងកែតម្រូវពាក្យពេចន៍ប្រមាថ ម៉ាក់ងាយ និងសូមទៅសជាសាធារណៈចំពោះស្ត្រីម្នាក់ជាអ្នកសារព័ត៌មាន ។
ក្រុមអង្គការចំនួន៤០នេះ ដែលនាំមុខដោយគណៈកម្មាធិការលប់បំបាត់ការរើសអើសស្ត្រី(NGO-CEDAW) តាមពីក្រោយអង្គការយែនឌ័រ និងអភិវឌ្ឍន៍(GADC) អង្គការក្លាហាន អង្គការបន្ទាយស្រី ជាដើមបានគូសបញ្ជាក់ថា អ្វីដែលលោក ផែង វណ្ណៈ បានសរសេរនោះគឺជាការប្រមាថម៉ាក់ងាយ ប៉ះពាល់ទៅដល់កិច្ចប្រឹងប្រែងរបស់រដ្ឋាភិបាលក្នុងការលើកកម្ពស់យែនឌ័រ ឆ្ពៅទៅសម្រេចគោលដៅឆ្នាំ២០២៣។
សូមអានខ្លឹមសារទាំងស្រុងនៃលិខិតចំហដូចខាងក្រោម៖
Post a Comment