សម្តេចតេជោ ៖ សង្គ្រាមរុស្ស៊ី-អ៊ុយក្រែននឹងបញ្ចប់ដោយការចរចាគ្នាមិនមានអ្នកណាវា.យកម្ទេ.ចអ្នកណាមួយបានឡើយ
រាជធានីភ្នំពេញ ៖ សម្តេចតេជោហ៊ុ នសែន នាយករដ្ឋមន្ត្រីបានគូសបញ្ជាក់ថា បញ្ហាសង្គ្រាមរវាងរុស្ស៊ី- អ៊ុយក្រែននឹងមិនមានអ្នកណាមួយវា.យកម្ទេ.ចអ្នកមួយបានឡើយ ដោយចុងក្រោយ គឺការចរចាគ្នា ។
ការលើកឡើងរបស់សម្តេចតេជោ ខណៈដែលប្រធានាធិបតីចិនបានទៅកាន់ប្រទេសរុស្ស៊ី ដើម្បីធ្វើការស្នើសុំដោះស្រាយដោយសន្តិវិធីឈានដល់រកសន្តិភាពរវាងសង្គ្រាមនៃប្រទេសទាំងពីរនេះ ។
សម្តេចតេជោ ហ៊ុន សែន បានថ្លែងក្នុងពិធីប្រគល់សញ្ញាបត្រដល់និស្សិ តនៅស្ថានជាតិពាណិជ្ជសាស្ត្រ(NIB) ជាង៦ពាន់នាក់ នៅមជ្ឈ មណ្ឌលសន្និបាត និងពិព័រណ៍កោះពេជ្រនាព្រឹក ថ្ងៃទី៣០ ខែមីនា ឆ្នាំ ២០២៣យ៉ាងដូច្នេះថា ៖«រឿងសង្គ្រាមរុស្ស៊ី-អ៊ុយក្រែន គេអាចដឹងបានថាវានឹងត្រូវបញ្ចប់គ្រាន់តែពេលវេលាបញ្ចប់នៅពេលណានោះទេ? រុស្ស៊ីមិនអាចវា.យកម្ទេ.ចអ៊ុយក្រែនបានទេ ហើយអ៊ុយក្រែនក៏មិនអាចវា.យកម្ទេ.ចរុស្ស៊ីបានដែរ។ចុងក្រោយ គឺច្បាស់ណាស់ថា នឹងមានការចរចា រកដំណោះស្រាយដើម្បីបញ្ចប់សង្គ្រាមនោះ»។
សម្តេចតេជោ ក៏បានលើកឡើងថា ប្រធានាធិបតីចិនឯកឧត្តម ស៊ីជិនពីង បានធ្វើដំណើរប្រទេសរុស្ស៊ី ហើយបានដាក់ចេញនូវដំណើរទៅលើសន្តិភាពដែលកម្ពុជាគាំទ្រទៅនឹងសំណើរទាក់ទិននឹងការដោះស្រាយបញ្ហាដោយសន្តិវិធីដោយមិនត្រូវយកសង្គ្រាមបញ្ចប់ដោយសង្គ្រាមនោះទេ ។
សម្តេចបានគូសញ្ជាក់ថា៖«ខ្ញុំជឿទាល់តែសោះថា រុស្ស៊ីអាចកម្ទេ.ចចោលអ៊ុយក្រែនទាំងមូល ឬក៏អ៊ុយក្រែនអាចកម្ទេ.ចរុស្ស៊ីចោលទាំងមូល គឺអត់ទេ! មិនអាចទេ បើទោះបីជាសង្គ្រាមនេះរីករាលដាលដល់ក្រមខណ្ឌណាតូទាំងមូលក៏មិនអាចណាតូទៅកម្ទេ.ចរុស្ស៊ី ឬក៏រុស្ស៊ីកម្ទេ.ចណាតូនោះទេ»។
ជាមួយគ្នានោះដែរ សម្តេចតេជោ ហ៊ុន សែន បានបន្ថែមថា នេះចំណុចដែលយើងត្រូវឃើញអីញ្ចឹងទេ លទ្ធភាពនៃការបញ្ចប់សង្គ្រាមរវាងរុស្ស៊ី និងអ៊ុយក្រែននឹងកើតមានហើយវាបានចាប់ផ្តើមចេញដំណើរួចហើយ ដែលពីមុន គឺចេញតាមរយៈអគ្គលេខាធិការអង្គការសហប្រជាជាតិតាមរយៈសម្របសម្រួលដោយប្រធានាធិបតីតួគីលើបញ្ជាការដឹកគ្រាប់ធនជាតិចេញពីអ៊ុយក្រែនទៅផ្គត់ផ្គង់ឲ្យប្រទេសខាងក្រៅ ។
សម្តេចបានបន្ថែមថា ទាំងអស់នោះគ្រាន់ជាផ្នែកមួយនៃការដោះស្រាយបញ្ហា ដោយ ពេល ខ្លះមានការសម្របសម្រួលគ្នា ដើម្បីជម្លៀសប្រជាជនដោះដូរឈ្លើយសឹកជាដើម ។សម្តេចបានអះអាងចំពោះសំណើររបស់ប្រធានធិបតីចិន គឺធ្វើបានទូលំទូលាយជាងដោយគ្រប់ដណ្តប់ទៅលើដំណោះស្រាយរកសន្តិភាពដោយសង្គ្រាមមួយដែលកំពុងហែហួរនៅទីនោះ ។
សម្តេចថា ៖«យើងអាចដឹងសង្គ្រាមរុស្ស៊ី និងអ៊ុយក្រែននឹងបញ្ចប់គ្រាន់តែនៅពេលណា? ប៉ុន្តែដែលគ្រោះថ្នាក់ជាងគេ គឺការប្រែប្រួលអាកាសធាតុដែលមិនអាចដឹងជាមុននោះទេ ហើយពីមួយថ្ងៃទៅមួយថ្ងៃការប្រែប្រួលអាកាសធាតុបានធ្វើឲ្យប៉ះពាល់ធំណាស់»៕
Post a Comment